طريقة الحماية من تسريب الـ DNS

السلام عليكم ورحمة الله وبركاته

عقب الدعم الروسي الإيراني لأجهزة إستخبارات السورية الإلكترونية , تقوم بعض مزودات خدمة الانترنت في سورية باستخدام تقنية  تدعى “Transparent DNS proxies” وهي ملقمات DNS تجبر المتصفح على معالجة الطلبات في هذه الملقمات التابعة له.

في البداية سأقوم بشرح بسيط لعمل الـ DNS:

عندما تريد طلب موقع معين ستكتب في المتصفح اسم الموقع وليكن www.facebook.com مثلاً ولكن جهاز الكمبيوتر لا يستطيع فهم ماذا تعني بهذا الكلام لأنه يتعامل بلغة الواحدات والأصفار فيقوم بإرسال طلب إلى ملقم الـ DNS لتحويله إلى لغته التي يفهم بها ذلك وهي عبارة عن أرقام كالشكل التالي 69.171.229.11  في مثالنا هذا، ولكن في ظروف معينة (وليس دائماً) حتى لو كنت تستخدم شبكة VPN  كـبرنامج الـ Expat Shield  أو برنامج Proxy كالـ Tor ستتم معالجة الطلبات عبر ملقمات الـ DNS الخاصة بمزودات الخدمة السورية بدلاً عن ملقمات الـ DNS الخاصة بالبرامج  وتكمن الخطورة في هذا الموضوع أن ملقمات الـ DNS  ستقوم بتسجيل رقم الـ IP الذي خرج منه الطلب بالإضافة إلى اسم المستخدم الخاص بخط الـ ADSL في حال كنت من مستخدميه .

بداية قم بالدخول إلى هذا الموقع وفحص ملقمات الـ DNS التي تحول الطلبات عبرها وفي حال ظهرت لك نتيجة مشابه لهذه فهناك تسريب في الـ DNS أما إذا لم تظهر فلا يوجد أي تسريب ومن غير الداعي أن تقوم بما سنقوم به لاحقاً :

وفي حال عدم إستخدام أية برامج حماية سيظهر فقط ملقمات الـ DNS السورية .

ولتفادي هذه المشكلة تابع الخطوات بالصور :

سنقوم بداية بمسح ذاكرة التخزين المؤقتة لمحلل الـ DNS كي لا يستخدمها مرة أخرى … من قائمة ابدأ ابحث عن CMD واضغط على تشغيل كمسؤول

ثم قم بكتابة سطر الأوامر هذا بداخله

ipconfig /flushdns

رسالة تفيد بنجاح العملية .

والآن سنقوم بتغيير الـ DNS الخاص بنا ليقوم بتمرير الطلبات عبره ويمنع تسربها :

مستخدمي ويندوز XP مواضع شبكة الإتصال >> مشاهدة الشبكات المتصل بها

لمستحدمي ويندوز 7 قم بفتح خصائص الشبكة والمشاركة واضغط على اسم الشبكة المتصل بها

قد تكون Local Area Connection  أو Wireless وقم بتطبيق جميع ما يلي على جميع الشبكات التي تتصل بها

ثم اضغط على خصائص :

ومن ثم اضغط على Internet Protocol Version 4 (TCP/IPv4)

واختار تحديد DNS يدوي

وقم بكتابة إحدى الأرقام التالية فيها :

Google Public DNS:  8.8.8.8 , 8.8.4.4

Open DNS:  208.67.220.220 , 208.67.222.222

Comodo DNS:  8.26.56.26 ,  8.20.247.20

وهذه عبارة عن ملقمات DNS عامة تستطيع إستخدامها والقائمة تطول ولكن هذه أفضلها  وهي مجانية لكنها لا تفيد في إخفاء الأثر كاملاً وفك الحجب عن المواقع المحجوبة .

الآن قم بالتأكد من عدم وجود تسريب عبر الدخول إلى هذا الموقع وفحص إعدادات الـ DNS الخاصة بك وفي حال نجح الأمر ستختفي ملقمات الـ DNS السورية من قائمة الملقمات .

للتوضيح أكثر :

في حال كنت لا تستعمل أية برامج كسر للرقابة أو شبكة VPN وقمت بالدخول إلى الموقع ستظهر لك النتيجة مشابه لهذه

وبعد فحص ملقمات الـ DNS ستظهر نتيجة مشابه لهذه

وفي حال كنت تشغل برنامج كسر للرقابة كالتور أو شبكة VPN  دون تغيير إعدادات الـ DNS  ستظهر لك النتيجة مشابه للصورة التالية عند الدخول إلى الموقع

وبعد فحص ملقمات الـ DNS ستظهر هذه النتيجة , أي ان طلبات التحويل تتم عبر ملقمات الخدمة للبرنامج أو الشبكة التي تعمل عليها بالإضافة إلى ملقمات الخدمة لمزودات الانترنت السورية .

وبعد تغيير إعدادات الـ DNS للشبكة المتصل بها أو من الراوتر ستظهر هذه النتيجة بعد فحص ملقمات الـ DNS

ويرجى التأكد من كتابة عناوين الـ DNS على الشكل التالي في الشبكة وإختيار ملقمين من شركتين (هنا اخترت الأول من شركة GoogleDNS والثاني من شركة OpenDNS ) .

ملاحظات

1- تقوم مزودات الخدمة بتسجيل الموقع الذي تزوره فقط ولا تقوم بتسجيل كامل عنوان الصفحة .

2- يمكنك معرفة رقم أي موقع عبر الدخول إلى الـ CMD وكتابة التعليمة PING يليها اسم الموقع كاملاً .

وفي النهاية لا يسعنا إلا أن نسأل الله عزّ وجلّ أن يحفظنا ويحفظكم من كل شرّ أو مكروه, والحرية لسوريا الحبيبة.

Posted on 13/06/2012, in Security and tagged , , , , , , . Bookmark the permalink. 84 تعليق.

  1. معلم انا دخلت عموقع الدي ان اس اي ما طلعلي ولا شي من سوريا كلو من برا اكمل الطريقة ولا ما أعمل شي من بعد اذنك

  2. مرحبا :
    أنا أستخدم في بي إن نظامي من دون برنامج
    بالبداية كان الdns سوري
    ولما غيرتو من كرت الشبكة الواصل عليه
    عندها راح الدي إن اس وما عاد اقدر افتح ولا صفحة
    جيت رجعتو متل ما كان وغيرت dns الفي بي إن قام ضل سوري
    جربت كل dns المذكورين ما مشي الحال

    • عندما تقوم بتغيير إعدادت الـ DNS قم بفصل الإتصال بشبكة الـ VPN ثم إعادة الإتصال بها وتاكد من مسح الذاكرة المؤقتة للـ DNS في البداية , وقم بإعلامنا في حال لم تنجح الطريقة .

  3. الله يعطيك ألف عافية يارب خيو مو بالآخر ما بيطلع علم سورية ما؟؟؟؟؟؟

  4. يا اخي كيف بدي اعرف اذا مشي الحال ام لا ؟؟؟؟؟؟؟؟؟ بعد تطبيق العملية؟؟؟

    • أخي قم بالدخول إلى نفس الموقع مرة أخرى وأجري فحص لملقمات الـ DNS الخاصة بك ,إن لم تظهر سوريا بينهم فالعملية تمت بنجاح إما إن ظهرت فيوجد مشكلة في التطبيق .

  5. كثر الله من أمثالك وجزاك خيراً

  6. ثاائر للعضم

    يسلموووووو اخي والله يعطيك الف العافية واتمنى من باقي الاخوة ان يقوموا بواجب نشرها على اوسع نطاق

  7. كتر خيرك بس هلأ الdns بتفرق شي لو حطيتوا بلإعدادات الراوتر؟

  8. هلئ بدي أجرب فحص ال DNS على المتصفح العادي ولا متصفح التور ؟!

  9. شكرا كتييير على الموضوع القيم …… بس سؤالي : وين المشكلة إذا حصل تسرب في البيانات لل ISP يلي عمبقدملي الخدمة إذا كنت عمأستخدم VPN ؟؟؟ يعني مثلا في مناقشة المثال يلي مذكوووور فوق :
    إذا كنت بدي أطلب موقع متل Facebook.com (وأنا أصلا عمأستخدم ExpatShield) .. هنا يقوم المتصفح بإرسال طلب موقع الفيسبوك عبر الVPN الذي يقوم بتغليف هذا الطلب و تسمية طلب جديد يستهدف سيرفر الExpatshield (الموجود في بريطانيا) ….. أي أن السيرفر السوري لن يستطيع معرفة الموقع الذي طلبه المستخدم و كل ما يعلمه عن الطلب هو أن عنوانه هو سيرفر الExpatShield………………
    إذا كان كلامي صحيح ….فسؤالي الثاني هو : ليش عميحسن موقع متل DNSleaktest.com معرفة الDNS الأساسي يلي أرسل الطلب المغلف لسيرفر الExpatShield؟؟؟؟؟؟؟؟
    و شكراً سلفاً ….والحرية لسوريا الحبيبة.

    • ذكرنا في بداية الموضوع أن بعض مزودات خدمة الانترنت في سورية تقوم باستخدام تقنية تدعى “Transparent DNS proxies” وهي ملقمات DNS تجبر المتصفح على معالجة الطلبات في هذه الملقمات التابعة له.
      لذلك يحصل التسريب.
      المشكلة في التسريب أن مزود الخدمة سيستطيع معرفة عنوان URL للمواقع التي تقوم بزيارتها وتسجيلها

  10. هلق اذا عملت الطريقه السابقة خلص ماعاد في علي خطر في الأنترنت من الأختراق
    يعني بالمشرمحي اخذ راحتي وانا عم ألعن روحو

  11. معللييييم , هلأ إذا غيّرت الــ DNS بإعدادات الراوتر , رح يطلعلي بهاد الموقع ملقمات ألمانية , صح ؟
    كمان بس غير الإعدادت تبع الـ DNS من إعدادات الراوتر , رح يتغير الــ IP لكل الأجهزة الموصولة عندي على الشبكة .؟

  12. إيييييييييييييييييه هي أول تعليق بكتبو وأنا مقوى قلبي . مين خايف على هالبلد وعنا شباب متلكن مين ؟

  13. حبيييييييييب كمان عندي سؤال منييح , مين أحسن فيداليا تبع التور ,, ولأ متصفح التور ؟ و لأ نفس القوة ؟ و لأ شو ؟؟؟

  14. اخي الكريم .. سؤال بس ..
    لما جربت افتح الموقع بلا برنامج طلعي IP فقط سوري
    لما فتحت برنامج تغير بروكسي طلعي 3 انواع IP سوري اللي نفسو طلعلي بلا البرنامج والماني واميركي .
    جربت الشي اللي ذكرتو حضرتك فوق .. وحطيت رقم الي كتبتو انت
    وجربت الموقع مرة تانية الاميركي ضل والسوري ضل وطلعلي صار كذا واحد الماني ..
    هيك مشي الحال يعني ؟
    وعفرض مشي الحال بحسن ماافتح البرنامج هلأ ؟ مالو داعي يعني ؟

    • تغيير ملقمات الـ DNS لا تعني الحماية بشكل كليّ واستخدام الطريقة مع برنامج لكسر الرقابة أمر ضروري , وأعتقد أن هناك خطأ في التطبيق لديك لظهور العلم السوري في المرة الثانية , أعد العملية ولكن مع أرقام أخرى وتاكد من تطبيق الخطوة الأولى لمسح ذاكرة الـ DNS في جهاز الكمبيوتر عبر استخدام الأمر ipconfig /flushdns . وقم بفصل البرنامج الذي تتصل به وإعادة الإتصال مرة ثانية وتجريب الموقع وأعلمنا بالنتيجة .

      • حبيب يعني اعمل هي الخطوات مع بروكسي من شان احمي حالي كليا من الرقابه ما هيك!!

  15. الله يعطيكون ألف عافية جربت الطريقو والحمد لله نجحت

  16. السلام عليكم والله يعطيكم العافية:
    انا غيرت الDNS بالراوتر واشتغلت الخطوات جربت افتح بدون بروكسي على الموقع وأشوف في تسرب ولا لأ الحمد الله ماكان في تسرب وما طالع ولا علم لسوريا بس قبل الاختبار كان الموقع كاتب
    Hello ***.***.***.***

    in Syrian Arab Republic
    في شي مشكلة ولا لأ

  17. تحية لكم ايها الاحرار من فلسطين . ماذا يستطيع ان يصنع النظام المجرم لو اكتشفني . سؤال للسخرية من هذا النظام فاعداؤه ليسوا فقط في سوريا بل في ارجاء العالم العربي والاسلامي وكل شريف حر في العالم . لاقيمة لكل اعماله . ولاقيمة لنبيحته وشبيحته . ونهايته وعد من الله جاء في القران . فالنصر عليه في الدنيا والاخرة . قال سبحانه : انا لننصر رسلنا والذين امنوا في الحياة الدنيا ويوم يقوم الاشهاد “

  18. أبو حذافة الدمشقي

    أخي: جزاك الله خيرا…. ان كنت استخدم حساب vpn وقمت بتنفيذ الخطوات المذكورة بنجاح .. هل اكون قد حررت من كل القيود تماما ؟؟ وخصوصا برنامج سكايب …. وجزاك الله خير

  19. شكراً كثير أخي الكريم
    بس سؤال :
    أنا طلع عندي أول اثنين أميريكا بعدين واحد سوري عملت الطريقة تبعك هلأ بس طلعلي 2 أميريكا و السوري اختفى ما انحط بدالو شي
    مشي الحال ان شاء الله؟؟؟؟؟

  20. خيو انا عملت فحص وكان فاضي الفحص يعني ولاطلع وسيرفر دنس في مشكلة هيك ولا شو؟؟؟

    • من المستحيل , لازم أقل شي يظهر ملقم DNS واحد عندك

    • أخي سواء كنت تستخدم شبكة VPN أو برنامج بروكسي , انت بحاجة إلى ملقم DNS ليقوم بتحول الطلبات كما شرحنا في التدوينة

      “عندما تريد طلب موقع معين ستكتب في المتصفح اسم الموقع وليكن http://www.facebook.com مثلاً ولكن جهاز الكمبيوتر لا يستطيع فهم ماذا تعني بهذا الكلام لأنه يتعامل بلغة الواحدات والأصفار فيقوم بإرسال طلب إلى ملقم الـ DNS لتحويله إلى لغته التي يفهم بها ذلك وهي عبارة عن أرقام كالشكل التالي 69.171.229.11 في مثالنا هذا ”

      فعدم ظهور أي ملقم DNS لديك لا أعلم إن كان هذا مشكلة أو ليس بمشكلة

  21. يعطيكن العافية ممكن اعرف اذا بعد ضبط الاعدادات طلع بس dns server , united states
    بيكفي او لازم يكونو 3 متل المثال عندكن؟؟

  22. ام الفداء

    انا نزلت التور ونزلت اكسبات شيلد وشغلت الاتنين عم يطلع لي لكل برنامج اي بي ووبالفاير فوكس لما عم بفحص التور عم يقلي مو متصل بالتور شلون هيك من فضلكم

    • اختي بداية ما في ضرورة لتشغيل البرنامجين سوية , ما رح يعطوكي أمان أكتر بل سيعطونكي بطئ في الإتصال , وإذا لم تقومي بوضع البروكسي الخاص ببرنامج التور في الفايرفوكس كي يعمل برنامج الـ Expat shield فلن تستطيع الإتصال عبره على عكس الـ Expat Shield الذي يعمل بمجرد تشغيله وليس بحاجة إلى أية إعدادت في المتصفحات

  23. الله يجيزيكن الخيير

  24. مفكر ثوري

    بتعرف شغلة يا ثائر …
    لن يكفيك أحد بحقك إلا رب العالمين ….
    فأخلص نيتك لله ….
    وانا من باب ” من لم يشكر الناس لم يشكر الله ”
    أقول لك :::: شكرا … وجزاك الله خيرا …
    عاشت سوريا حرة أبية … بأذكيائها الكبار أمثالك

    • جزاك الله أخي , نحن لم نقم سوى بواجبنا من اجل حرصنا على سلامة أخوتنا الثوار وبإذن الله النية خالصة لوجهه الكريم

  25. سيدي الكريم اولا جزاك الله خيرا
    ثانيا انا ما فهمت كل شي حكيتو بس فتت شغلت برنامج التور عالموبايل وفتت عبى موقع DNS بس ما طلعلي ولا علم سوري وجربت اكتر من مرة والحمد لله ما طلع . سؤالي : المهم انو ما يطلع العلم السوري ??? وبكون كل شغلي تمام ومافي داعي ساوي يلي حكيتو حضرتكم عنو ??
    وشكرا لكم
    الله يأويكن والسلام عليكم

  26. معلمي بس قلي شو يعني ملقمات
    وجزاكم الله خيرا

    • ملقمات يعني كمبيوترات بمواصفات عالية جداً تعمل على تحويل الطلب من اللغة الإنكليزية إلى الارقام لكي يفهمها الكمبيوتر .

  27. شكرا كتير كتير انا جربت الطريقة ونجحت الحمد لله

  28. السلام عليكم … الله يجزيكم الخير ويرضى عليكم …

    أخي … الأمور كلها سلميه عندي عالآي فون ولا البي سي … سواء كانت عالتور أو الفي بي ان … أو ال ssh لكن المشكله عندي هي عالأندرويد … شغال عالتور وعالسايفون … بس مشكلة الدي ان اس عالموبايل الجلاكسي ما انحلت وبيطالع لي سوريا …

    ممكن تعفيدني من بعد اذنك ….

  29. الله. يعطيكون الف عافية بس بدي إسألك أنا عم إفتح من آي باد شو ساوي

  30. في مشكلة اذا طلعلي بس مربع واحد بدل 3 يعني detected 1 DSN server ولا عادي

  31. السلام عليكم …هلأ انا جربت مع vpn ما عندي تسريب الحمد لله؟… بس المشكلة انو وقت فتحت عادي ما طلعلي علم سورية وانا لح جن انو ليش هيك لنكون رحنا فيها 🙂 ….يعني غريبة انو ما طلعلي اي isp سوري كلون شي المانيا ومدري وين …مكن اعرف شو القصة ؟؟؟؟ وشكراً

  32. لاترحل جايينك

    مشالله عليكم, ويخزي العين.والله انا اقول بالثورة المباركة ظهرت نجوم كانت مختفية ,
    الله يقويكم

  33. احمد الميداني

    معلمي انا ساويت كلشي على المزبوط بس لما فتت مشان شوف dsn ما طلعلي غير مربع واحد بدل من تلاتة من بريطانيا..هل يعني انو شغلي مزبوط اما لاء..وشكرا

  34. سلام عليكم أخي الكريم أنا عندي عم يعطي 7 أي بيات بس واحد منن سوريا فيني قول شغلي بسليم لما في مشكلة وانا حاليا مشغل vpn نظامي وجزاك الله عنا كل خير

    م DNS المذكورة أدناه.

    IP: 178.255.84.7
    المضيف: عدم DNS-yet.ccanet.co.uk
    ISP: CCANET المحدودة
    الدولة: المملكة المتحدة
    IP: 178.255.84.5
    المضيف: عدم DNS-yet.ccanet.co.uk
    ISP: CCANET المحدودة
    الدولة: المملكة المتحدة
    IP: 178.255.84.6
    المضيف: عدم DNS-yet.ccanet.co.uk
    ISP: CCANET المحدودة
    الدولة: المملكة المتحدة
    IP: 82.137.200.20
    المضيف: 82.137.200.20
    ISP: السورية للاتصالات المؤسسة
    الدولة: الجمهورية العربية السورية
    IP: 74.125.18.152
    المضيف: 74.125.18.152
    ISP: جوجل
    الدولة: ألمانيا
    IP: 74.125.78.87
    المضيف: إرنست و يونغ في وf87.1e100.net
    ISP: جوجل
    الدولة: هولندا
    IP: 74.125.18.162
    المضيف: 74.125.18.162
    ISP: جوجل
    الدولة: ألمانيا

  35. أخي بعد الفحص هيك طلعي شو رأيك
    Your DNS test results

    We detected the 0 DNS server listed below.

    WARNING: If you are connected to an anonymity/privacy service and ANY of the servers listed below are from your ISP then your DNS is leaking. (You should be able to recognise them based on the hostname and location).

  36. انا جربت الطريقة و انا بستخدم اكسبات شيلد طلعلي المربع الاول بريطاني و التاني سوري و التالت امريكي شو اعمل و شو بتنصحني

  37. We detected the 3 DNS servers listed below.

    We detected the 3 DNS servers listed below.

    WARNING: If you are connected to an anonymity/privacy service and ANY of the servers listed below are from your ISP then your DNS is leaking. (You should be able to recognise them based on the hostname and location).

  38. أنا عندي خط سيريتل هل هذه الطريقة تشمل خطوط سيريتل أو إم تي إن

  39. Key Sniffer Official Anonymous member

    اخي مشكور علا هل معلومات الرائعة و انا لاقيت شيئ يمكن يفيد بحل هل مشكلة بس اسهل يمكن ما بعرف انا شفت هل طريقة اسهل هي الرابط من نفس الموقع الي حطيتو انت

    http://www.dnsleaktest.com/how-to-fix-a-dns-leak.php

    • هل ضروري استخدام دي ان اس مع فيبي ان؟
      اشتغل التور لكن السؤال:
      هل ضروري استخدام دي ان اس مع فيبي ان؟
      عال فيبي ان ما عميطلعي علم سوريا معناتو الشغل تمام؟ والا لازم استخدم دي ان اس مع ال فبيبي ان؟

  40. هل ضروري استخدام دي ان اس مع فيبي ان؟
    يعني التور او البسيفون لا يكفون؟ ولماذا استخدام دي ان اس مع البروكسيات؟
    كمان التور لا يعمل معي وكان يعمل من قبل
    ماذا اضع في اعدادات التور؟

  41. زبطت ال د ان اس عاوايرليس وحطيت التور يعني فيبي ان قام طلعلي هيك:
    Your DNS test results

    We detected the 0 DNS server listed below.

    WARNING: If you are connected to an anonymity/privacy service and ANY of the servers listed below are from your ISP then your DNS is leaking. (You should be able to recognise them based on the hostname and location).
    شو يعني؟
    ما طلعلي ولا علم لأيا بلد.
    ردوا علينا ياشباب شو تركتوا هالموقع؟

  42. رديتوا على غيري انو نغير عناوين الايبي لل دي ان اس غيرتا وضل الوضع كما ذكرت.
    يعني ضروري يطلعلي عناوين د ان اس واعلام دول ليكون الشغل زابط؟
    وعال د ان اس لحالو فحصت الايبي لقيتو تغير يعني مو من سوريا.
    يا جماعة الخير حدا يرد علينا:
    د ان اي يغير الايبي.
    فيبي ان معو كمان يغير الايبي.
    بس الفحص لما بنجمع الاتنين مع بعض عميطلع صفر دي ان اس والايبي عميتغير كمان.
    هيك الشغل صح؟ يعني صار عندي حماية لل د ان اس + في بي ان؟
    هيك هيك عمبلعن روحو بس بدي اتفاقم اكتر….
    ======
    كتبوا على احد الحيطان ما يلي:
    من قال يلعن روحك يا حافر 10 مرات لم يصبه قناس.
    قلت: ومن قالها مائة مرة لم تمسسه نار ودخل الجنة بغير حساب من اي باب شاء.
    (اخرجته انا).

  43. تنبيه للاخ ثائر الحلبي:
    قلت:(اخي الكريم مدام انت غيرت عناوين ملقمات الـ DNS فأنت بأمان انشالله)
    يا شباب لا حدا يكتب انشاء الله ابدا.هذا لا يجوز.
    اكتبوا ان شاء الله.
    فالفارق كبير والله من وراء القصد.

  44. أخي أنا فاتح بالتور .فحصت ال dns وماطلع ولاواحد من سوريا علما” أني ماغيرت الdns .فهل هذا يعني أن هذا يكفي لحمايتي (بإذن الله ) أو يجب تغيير الdns.

    • أخي تغيير الـ DNS غير كافي لحمايتك وإنما هو مكمل
      ويجب عليك أن تستخدم برنامج حماية كالتور أو الاكسبات شيلد لكي تحظى بحماية كاملة

  45. السلام عليكم
    اخي أنا عند استخداميvpn الحمد لله ما في مراقبة
    ولكن عند استخدامي للتور فيه مراقبة يعني هذه هي الرسالة
    We detected the 6 DNS server listed below
    هل فيه حل للمشكلة يعني استخدم التور ولا تكون فيه مراقبة ،
    انا انتظر ردكم

    Free Syria

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s